Afirka ta Kudu ta bukaci kotun Hague da ta dakatar da harin Rafah

IQNA - Kasar Afirka ta Kudu wadda ta bude karar gwamnatin sahyoniyawan a birnin Hague, ta bukaci wannan kotun da ta ba da umarnin dakatar da kai farmakin da wannan gwamnatin ke yi a Rafah.

Kamfanin dillancin labaran iqna ya habarta cewa, ya nakalto daga shafin sadarwa na yanar gizo na tashar Al-Alam cewa, a yau kasar Afirka ta Kudu ta bukaci wannan kotun kasa da kasa da ta bayar da umurnin dakatar da harin da gwamnatin sahyoniyawan yahudawan sahyuniya ke kai wa a yankin Rafah na Gaza.

Za a yi zaman kwanaki biyu na sauraren karar a kotun kasa da kasa (ICJ), lauyoyin Afirka ta Kudu za su gabatar da karar a ranar Alhamis, kuma dole ne gwamnatin Isra'ila ta amsa ranar Juma'a.

Afirka ta Kudu ta jaddada cewa matakin sojan da Isra'ila ta dauka a Rafah kisan kiyashi ne da ke barazana ga rayuwar Palasdinawa.

Gwamnatin yahudawan sahyoniya wacce ta yi sanadin shahadar mutane sama da 35,000 a zirin Gaza, ta yi ikrarin cewa tana da kudurin bin dokokin kasa da kasa, ta kuma kira shari’ar Afirka ta Kudu “marasa tushe”.

Benjamin Netanyahu, firaministan gwamnatin Sahayoniya, wanda ya sha kashi mai tsanani a kan turjiya, ya ce ba zai iya kayar da wannan kungiyar ba, ba tare da tura sojojin kasa zuwa Rafah ba.

Kotun kasa da kasa za ta iya fitar da hukunce-hukuncen shari'a kan takaddamar da ke tsakanin mambobin Majalisar Dinkin Duniya.

 4216238