Shugaban kungiyar Ansarullah ta kasar Yemen ya jaddada wajabcin yin koyi da Manzon Allah (SAW)
Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Al-Masirah cewa, Abdul Malik al-Houthi jagoran kungiyar Ansarullah ta kasar Yaman a cikin jawabinsa na yau Alhamis ya bayyana cewa: Wajibi ne musulmi su yi nazarin halayen manzon Allah (SAW) da koyi da shi. Al'ummar musulmi su koma ga aiki da Sunnar Annabi a yau. Rashin raunin alakar da ke tsakanin al'ummar musulmi da Annabi (SAW) da kuma kur'ani ya sa ta fada cikin wadannan yanayi a yau, da kuma shirya fage na sharrin makiya.
Ya ci gaba da cewa: Musulman zirin Gaza na fama da munanan hare-hare da kisan kiyashi, kuma wannan tsari ya tada hankalin bil'adama a kasashen da ba na musulmi ba. Tare da wannan farkawa da lamiri, dukkanin musulmi su ma suna da wani nauyi na ɗabi'a da na addini wajen tunkarar hare-haren da gwamnatin Sahayoniya ta ke a zirin Gaza da yammacin kogin Jordan.
Jagoran kungiyar Ansarullah ta kasar Yemen ya ci gaba da cewa: A yau ne aka bayyana ga kowa da kowa tare da hadin gwiwar wasu gwamnatoci da makiya yahudawan sahyoniyawan. Mutane da gwamnatoci da dama sun rasa ruhinsu na jihadi. Wannan tausasawa da rashin ruhin jihadi wani hadari ne na gaske ga al’ummar musulmi, wanda hakan ya sa ba za mu iya bin tafarkin rayuwar Manzon Allah (SAW) ba, wanda hakan zai haifar da haxari.
Ya kara da cewa: Baya ga yin ibada, muna kuma da ayyuka kamar umarni da kyakkyawa da hani da mummuna da jihadi a tafarkin Allah. Barin Jihadi a tafarkin Allah a inuwar hare-haren da makiya ke kaiwa al'ummar musulmi yana da illa mai hatsari. Alkur'ani ya siffanta wasu daga cikin wadannan mutane a matsayin munafukai. Babban aikin munafukai shi ne sadarwa da kafirai da nisantar da musulmi daga tafarkin jihadi ta hanyar tsoratar da su.
Jagoran kungiyar Ansarullah ta kasar Yemen ya kara da cewa: Kasashen larabawa kawai suna kallon laifukan da gwamnatin sahyoniyawan sahyoniya take yi kan al'ummar Palastinu da wulakanta su da kona masallatai da kur'ani ba tare da daukar wani takamaiman matsayi ba a wannan fanni. Idan al'ummar musulmi ta rasa ruhin jihadi, to ita ma za ta rasa mutuncinta da 'yancinta. Wasu kasashe da gwamnatoci suna kokarin faranta wa makiya rai da ba su rangwame don samun goyon bayansu.
Ya kuma jaddada cewa, wasu gwamnatocin kasashen Larabawa, ko nawa za su yi wa makiya hidima, za a yi watsi da su a lokacin da ba a bukatar su. Babban abin kunya game da lamarin Palastinu shi ne ayyukan takfiriyya da suka karkatar da tafarkin gwagwarmaya gaba daya. Ma’anar Jihadi a wurinsu kawai yana nufin ruguza al’umma da fitinar addini da kabilanci.
Abdul Malik al-Houthi ya fayyace cewa: Ina Jihadin takfiriyya kuma ina 'yan kunar bakin wakensu suke ta tarwatsa kansu kan yahudawan sahyoniya? Dole ne a sake farfado da manufar Jihadi kuma ainihin mafita don ruguza makiya yahudawan sahyoniya yana cikin wannan tunani. Halakar makiya tabbatacciya ce kuma duk wani lissafin da zai kai ga gazawa.
Ya ci gaba da cewa: Hatta manyan sojojin kasashen Larabawa ba za su iya tinkarar wadannan hare-hare ba kamar yadda mayakan Palastinawa suka yi tir da hare-haren da Amurka da gwamnatin yahudawan sahyoniya suke yi a zirin Gaza.
Jagoran kungiyar Ansarullah ta kasar Yemen ya jaddada cewa: Har yanzu ana ci gaba da kai hare-hare kan makiya da makami mai linzami da sojojin Yamen suke yi. Muna ci gaba da ayyukanmu kuma mun sami sakamako mai kyau a fagen ayyukan ruwa. Za mu ba abokan gaba mamaki a kan tudu, kamar yadda suka yi mamakin teku.
