Karrama Mahardatan Al-Qur'ani Baki Daya A Kasar Mauritaniya

IQNA - Cibiyar haddar kur’ani ta Imam Warsh ta kasar Mauritaniya ta karrama wata sabuwar kungiyar haddar kur’ani mai tsarki a hedikwatar cibiyar da ke kudancin Nouakchott.

Kamfanin dillancin labaran kasar Mauritania ya habarta cewa, an gudanar da bikin ne a daren jiya, inda wasu sabbin gungun mahardar kur’ani da hardar kur’ani suka yaye.

Sayyid Sidi Yahya Ould Cheikhna Ould El-Morabit, ministan kula da harkokin addinin musulunci da ilimin firamare na kasar Mauritaniya, ya yi jawabi a wajen bikin, inda ya yi tsokaci kan kokarin da cibiyar haddar kur’ani ta Imam Warsh ta yi na hardar kur’ani mai tsarki, ya kuma jaddada cewa ma’aikatar kula da harkokin addinin muslunci ta kasar Mauritaniya ita ma ta yi kokari sosai a wannan fanni.

Ya kara da cewa: "Wadannan yunƙuri wani ginshiƙi ne na kiyaye haƙƙin Musulunci da kuma kare matasa daga munanan halaye na zamantakewa."

Al-Morabit ya ci gaba da cewa: Ma'aikatar harkokin addinin musulunci da ilimi ta kasar Mauritaniya ta sake bude cibiyoyi da makarantu da dama tare da karfafa musu gwiwar gudanar da ayyukansu, kuma adadin wadannan cibiyoyi ya kai 10,720 a bana.

Syed Mokhtar Ould Al-Khalifa, shugaban majalisar gudanarwa na cibiyar Imam Warsh ya ci gaba da cewa: tun bayan kafa wannan cibiya ta yi kokarin koyar da kur'ani ga dukkanin kungiyoyi a cikin al'umma, musamman 'yan mata marasa ilimi.

4283365