An Gudanar Da Zaben Zabin Kur'ani Na Duniya A Yaman
A cewar shafin yanar gizo na cratar.net cewa, ma’aikatar ta sanar da cewa: Ana gudanar da wannan gwajin da nufin zabar mafi kyawun haddar ‘yan kasar Yemen da za a tura zuwa gasannin kur’ani na kasa da kasa, kuma an tsawaita lokacin rajistar har zuwa ranar 31 ga watan Agustan shekarar 2025.
Ma'aikatar Awkafa ta kasar Yemen ta jaddada cewa, ta hanyar tsawaita wa'adin rajistar zabar gasar kur'ani mai tsarki ta kasa da kasa, ma'aikatar tana kokarin samar da karin damammaki ga hazikan malamai (maza da mata) don gwada kwarewarsu ta kur'ani.
A cewar ma'aikatar Awka ta Yaman za a gudanar da wannan gwajin ne a fannonin haddar kur'ani baki daya, da karatun tajwidi, da kuma kwarewar karatu goma.
Ma'aikatar ta yi kira ga masu sha'awar da suka cika sharuddan da kuma cancantar shiga jarrabawar don duba tare da cike fom na musamman don shiga ta ta hanyar ziyartar adireshin https://forms.gle/nAkYMmwgedoyszQZ7
Har ila yau ma'aikatar ba da wa'azi ta kasar Yemen ta sanar da cewa: Wannan jarrabawar wani bangare ne na manufofin ma'aikatar da ke da nufin zakulo kwararrun kur'ani daga larduna daban-daban da kuma shirya su a fagen fice a sassan duniya, kuma ya nuna matsayin kasar a shirye-shiryen kur'ani.
