Shugaban Hukumar Yahudawa ya soke tafiya Afirka ta Kudu saboda fargabar kama shi
Shugaban hukumar yahudawan Isra’ila ya soke ziyarar da ya shirya zuwa kasar Afirka ta Kudu saboda fargabar kama shi.
Kamfanin dillancin labaran iqna ya nakalto daga shafin sadarwa na yanar gizo na hukumar yada labaran Isra’ila cewa, kasar Afrika ta kudu na daya daga cikin kasashen da suka fi nuna adawa da Isra’ila, kuma ta kai karar gwamnatin kasar a kotun kasa da kasa da ke birnin Hague kan laifukan yaki da kisan kiyashi a zirin Gaza.
Almog, wani Janar na Isra’ila mai ritaya, yana da alaƙa da mutane da yawa waɗanda aka kama fursuna a ranar 7 ga Oktoba, 2023.
A shekara ta 2005, an bayar da sammacin kame Almog a Burtaniya saboda hannu a ruguza gidajen Falasdinawa kusan 50 a Rafah, dake kudancin zirin Gaza. A lokacin ne aka tilasta masa komawa yankunan da aka mamaye ba tare da ko sauka daga jirgin ba.
