Daan-daang Nawalan ng Tahanan Matapos Sumiklab ang Sunog sa Kampo ng mga Taong Takas na Muslim sa Rakhine ng Myanmar
Ang sunog ay nagresulta sa pagkasira ng 150 na mga bahay at 35 na mga dormitoryo, at nag-iwan ng higit sa 3000 na katao na walang tirahan.
Ayon sa isang opisyal sa Kampo ng mga Taong ng Kyeinnipyin na nakausap ng Narinjara, nagmula ang apoy sa bahay ng isang residenteng nagngangalang U Elia. Aksidenteng nagsimula ang apoy nang nagluluto ang kanyang asawa.
Nagpatuloy ang apoy ng ilang mga oras hanggang sa masunog ang lahat ng mga bahay na dinaanan nito. Sa kalaunan ay napatay ito bandang 9:00 PM, sinabi ni U Aung Kyaw Tun, isang opisyal ng kampo, sa Narinjara.
Matapos ang sunog, 3710 na mga residente ng kampo ang nawalan ng tirahan. Kasalukuyan silang naghahanap ng pansamantalang tirahan sa mga paaralan, gayundin sa mga tahanan ng kanilang mga kamag-anak at mga kaibigan.
Sinabi ni U Aung Kyaw Tun, "Walang nasugatan sa sunog, ngunit maraming mga bahay ang naging mga abo, kabilang ang humigit-kumulang isang dosena na tinatayang nagkakahalaga ng hanggang 15 milyong Kyats bawat isa. Bilang karagdagan sa pinsala sa ari-arian, nakaimbak na butil sa nasunog ang ilan sa mga bahay at nawala ang mahahalagang data-x-na mga bagay katulad ng pera at mga kagamitang ginto dahil hindi na ito makuha ng mga tao sa oras. Ang kampo ay nag-iimbak ng bigas na ibinigay ng World Food Program (WFP), ngunit sa kasamaang palad, isang malaking halaga din ang natupok sa sunog. Ito ay lalong-lalo na nakapipinsala dahil kasalukuyang tumataas ang presyo ng bigas."
Si U Elia, ang may-ari ng bahay kung saan nagmula ang apoy, at ang kanyang asawa ay kasalukuyang umiiwas sa mga awtoridad, dagdag ni U Aung Kyaw Tun.
Noong gabi ng ika-7 ng Mayo, binisita ng kinatawan ng namamahala ng Pauktaw na Lungsod, kasama ang mga opisyal mula sa iba't ibang mga departamento ng gobyerno, ang kampo ng mga Taong Takas Kyeinnipyin, na napinsala ng sunog. Ang isa pang pagsusuri ay naka-iskedyul para sa susunod na araw.
Ang kampo ng Kyeinnipyin ay itinatag noong 2012 upang magbigay ng kanlungan para sa humigit-kumulang 7000 na Muslim na mga taong takas na panloob sino inilipat dahil sa labanan sa Estado ng Rakhine noong panahong iyon.
Pinagmulan: bnionline.net
