'Rasista': Lalaking Nahuli sa Kamera na Naghahagis ng Islamopobiko na mga Paninirang-puri sa mga Tsuper ng Sasakyan sa London
Ibinahagi ng grupong Documenting Oppression Against Muslims (DOAM) ang video noong Huwebes, na inilalarawan ang insidente bilang isang "rasista na masamang-loob na inaabuso ang isang Muslim na tsuper sa London."
Makikita sa video na paulit-ulit na sinisigawan ng lalaki ang "Muslim terorista" sa tsuper ng sasakyan habang nagmumura. Hiniling din niya na lumabas ang tsuper ng sasakyan at nakitang dumura at tumama sa proteksiyon na iskren ng sasakyan, iniulat ng Anadolu Agency noong Huwebes.
Dumating ang insidenteng ito sa gitna ng panahon ng kaguluhan sa UK, na may marahas na dulong kanan na mga manggugulo na nagta-target sa mga Muslim, grupong minorya, at mga imigrante.
Ang mga kaguluhan ay pinasimulan ng mga maling pag-aangkin na kumalat sa onlayn na ang suspek na inaresto para sa nakamamatay na pananaksak noong Hulyo 29 sa tatlong mga bata sa Southport ay isang Muslim na naghahanap ng asilo.
Kinilala ng mga awtoridad ang umatake na si Axel Rudakubana, isang 17 taong gulang na ipinanganak sa Cardiff sa mga magulang na Rwandano. Sa kabila ng paglilinaw na ito, ipinagpatuloy ng mga pinakakanang mandurumog ang kanilang mga aktibidad.
Noong Agosto 8, may kabuuang 483 katao ang naaresto, at 149 na mga kaso ang isinampa kaugnay ng mga kaguluhan sa mga bayan at mga lungsod sa buong England.
