Ang seremonya ng pagsisimula ay naganap noong Biyernes, Enero 10, 2025, at pinangunahan ni Fatih Karim, tagapagtatag at kasapi ng lupon ng pagpapayo ng pundasyon.
"Ang Moske ng As-Sholihin Yokohama ay isang tunay na anyo ng misyon ng Islamic Da'wah na puno ng pagmamahal sa Lupain ng Sikat na Araw. Umaasa kami na ang moske na ito ay hindi lamang isang lugar ng pagsamba kundi maging isang sentro para sa mga aktibidad na panlipunan, na alin magpapalakas ng dalawing panig na kultura na ugnayan ng komunidad sa Japan," sabi ni Fatih Karim sa isang palabas na ibinahagi sa Tempo.
Sasakupin ng moske ang 397 metro kuwadrado ng lupa at magkakaroon ng kabuuang lawak na 650 metro kuwadrado, na idinisenyo upang magpunong-abala ng higit sa 600 na mga mananamba.
Sa paglahok ng isang arkitekto ng Hapon, ang proyekto ay naglalayong pagsamahin ang modernidad at layunin. "Sa Japan, lahat ng mga gusali ay isinasaalang-alang, kasama ang moske na ito. Ang plano ay itayo itong moske sa tatlong mga palapag na may modernong gusali at siyempre komportable para sa pagsamba," dagdag ni Karim.
Ang pagpopondo para sa moske, na tinatayang nasa Rp40 bilyon (humigit-kumulang $2.4 milyon), ay sinusuportahan ng mga donasyon mula sa mga Muslim sa Indonesia.
Dinisenyo bilang isang pasilidad na maraming kagamitan, ang moske ay magsasama ng mga espasyo para sa pagdarasal, isang lugar para sa mga bagong pumasok, isang sentrong pagpopondong Islamiko (Bayt al-mal), isang merkado na halal, at mga pasilidad para sa Edukasyong Islamiko at mga kaganapan sa komunidad.
Ibinahagi din ni Karim na, bago pa man matapos ang moske, ang lugar ay may mahalagang papel na sa pagpapaunlad ng pananampalataya. “Alhamdulillah, sa patnubay ng Allah, maraming mga mamamayang Hapones sa wakas ay yumakap na sa Islam sa lugar kung saan itatayo ang moske na ito, sana, mas maraming tao ang dumagsa dito para ipahayag ang kanilang pananampalataya," sabi niya.
Napansin ni Muhammad Al Aula, Tagapag-ugnayan ng Impormasyon at Gawain na panlipunan-pangkultura sa embahada ng Indonesia sa Tokyo, ang dumaraming presensiya ng mga Indonesiano sa Hapon, na ngayon ay umaabot ang bilang sa 173,000. Binigyang-diin niya ang kahalagahan ng moske hindi lamang para sa mga Muslim kundi para sa mas malawak na pagkakaisa ng komunidad.
"Umaasa kami na ang Moske ng As-Sholihin ay magiging isang tanglaw ng pag-asa para sa kabutihan ng sangkatauhan sa mundo. Ang moske na ito ay nasa gitna ng pamayanang Hapones na maaaring hindi mga Muslim, ngunit hindi ito dapat maging hadlang na naglilimita, dahil ang Islam ay ipinahayag bilang isang pagpapala para sa lahat ng sangkatauhan," sabi ni Al Aula.