Propeta Muhammad Isang Ganap na Huwarang Halimbawa ng Moralidad at Pagkakaisa: Mananaliksik
Binigyang-diin ni Hojat-ol-Islam Hassan Shirzad, isang mananaliksik sa Sentro para sa Kultura at Kaalaman sa Quran, na “ang pinakamahalagang yaman ng isang tao ay ang kanyang buhay,” at dagdag pa niya na kung paano ginugol ang mga taong iyon ay siyang tumutukoy ng tunay na tagumpay. “Ang pinakamahusay na huwarang ipinakilala ng Diyos sa sangkatauhan ay si Propeta Muhammad (sumakanya nawa ang kapayapaan), na ang marangal na ugali ay nagbuklod ang watak-watak na lipunan at maaari pa ring gumabay sa pamayanang Muslim ngayon,” sabi ni Shirzad habang nagsasalita sa isang lokal na pagtitipon noong Linggo. Binanggit niya ang Quran, partikular ang talata 21 ng Surah al-Ahzab: “Tunay na may mabuting huwaran para sa inyo sa Sugo ng Allah—para sa mga umaasa sa Allah at sa Araw ng Paghuhukom, at yaong palaging umaalala sa Allah.” Ipinaliwanag niya na itinatampok ng talatang ito na ang pagsunod sa Propeta (sumakanya nawa ang kapayapaan) ay may parehong espiritwal at praktikal na aspeto, na nangangailangan ng pananampalataya sa Diyos, paniniwala sa kabilang-buhay, at palagiang pag-alala sa Diyos.
Binanggit din niya si Imam Ali (AS), sino nagsabi: “Sapat nang huwaran sa inyo ang pamamaraan ng Propeta.”
Ayon kay Shirzad, ang kadalisayan at katapatan ng Propeta (sumakanya nawa ang kapayapaan) ay ginagawa siyang pinagmumulan ng dangal para sa mga sumusunod sa kanya, at kanyang binigyang-diin na “ang pinakamarangal na alipin ay yaong sumusunod sa Propeta (sumakanya nawa ang kapayapaan) at lumalakad sa kanyang mga yapak.”
Ipinunto ni Shirzad na si Propeta Muhammad (sumakanya nawa ang kapayapaan) ay namuno sa loob ng 23 na mga taon at namuhay kasama ng mga tao sa loob ng 63 na mga taon. “Kung ang kanyang moralidad, pag-uugali, at asal ay isasapuso, lalo na ang mga lipunang Islamiko at ng kanilang mga pinuno, malalim ang magiging epekto nito,” sabi niya. Binanggit din niya ang talata 4 ng Surah Al-Qalam na alin tumutukoy sa Propeta (sumakanya nawa ang kapayapaan), na nagsasabing, “at tunay ngang ikaw ay nagtataglay ng dakilang ugali.”
Binigyang-diin ng mananaliksik na nananatiling mahalaga ang mabuting asal para sa pagkakaisa ng pamayanang Muslim. Binanggit niya ang sinabi ng Propeta (sumakanya nawa ang kapayapaan): “Ang pinakaganap sa mga mananampalataya sa pananampalataya ay yaong may pinakamagandang ugali” at “Ang pinakabanal sa inyo sa pananampalataya ay yaong may pinakamagandang ugali.”
Idinagdag pa niya ang isa pang kasabihan ng Propeta: “Ang pinakamalapit sa akin bukas sa Araw ng Muling Pagkabuhay ay yaong may pinakamagandang ugali.”
“Ipinakikita ng mga katuruang ito na ang dakilang Propeta ng Islam (sumakanya nawa ang kapayapaan) ay isang walang hanggang huwaran ng kaligayahan, moralidad, at kaligtasan para sa sangkatauhan,” sinabi ni Shirzad.
