اسلامی ايران د ملګرو ملتونو له سازمان وغوښتل د ميانمار د مسلمانانو عام وژله بنده كړی

سياسی ِډله: په ملګرو ملتونو كې د اسلامی ايران دايمی استازی عمومی منشی بانكی مون ته د يوه ليك په لیږلو سره د دې سازمان او د اسلامی ملګرتيا سازمان پام د برما د مسلمانانو د قتل عام په اړه خپرو شويو راپورونو ته واړاوه او ټينګار ېې وكړ په دې سيمو كې په زرګونو مسلمانان له كومې ګناه پرته قتل عام شوی او دا لړۍ لا هم روانه ده.

د ايران د قران خبری اژانس (ايكنا) د يو راپور پر اساس، د دې ليك يوه يوه نسخه اسلامی ملګرتيا سازمان ،د بشر حقوقو دعالی كميسيون مشرې ميرمن ناوی پيلای او د ملګرو ملتونو د بشر دوستانه څانګې مشرې ميرمن والری آموس ته لیږل شوې ده. په ليك كې د برما د چارواكو د ادعاوو په رديدو سره ټينګار شوئ په سلګونه كاله كیږی چې مسلمانان په برما كې ميشت دی>
په دې ليك كې ټينګار شوئ ملګری ملتونه بايد د فوری اقداماتو په تر سره كولو سره په برما كې د مسلمانانو د عام وژلې مخنيوئ وكړی . په ليك كې راغلی بې له شكه د برما د غميزې په اړه د نړيوالې ټولنې او ملګرو ملتونو چوپوالی د دې هيواد له بودايی دولت سره د مسمانانو په عام وژله كې ډيره مرسته كړې او د لا ډيرو جنايتونو د تر سره كولو لپاره ېې د هغوی لاس خلاص پریښئ .
د وروستيو راپورونو په اساس په برما كې بودايی دولت تر اوسه تر ۹۰ زرو ډير مسلمانان ،ښځې او ماشومان له كوم توپير پرته قتل عام كړی د هغوی تر ۲لكو ډير كورونه ېې سوځولی تر ۳۰ زرو ډير مسلمانان لا هم بې دركه دی تر ۵ زرو په ډيرو ښځو او مسلمانو پيغلو لومړئ جنسی تيرئ شوئ او بيا په اور كې سوځول شوې دی .
په فيس بوك او د انترنیټ په نورو ټولنيزو شبكو كې داسې ویډيوګانې او انځورونه خپریږی چې بودايان ، مسلمانان ژوندی په اور كې سوځوی او د بودايانو په مركزونو كې په سلهاوو د مسلمانو ښځو لوڅ شوی او بيا په اور كې سوځول شوی جسدونه پراته دی . په يو شمير انځورونو كې بودايان مسلمانان ژونډی په اور كې سیځی ،ژورناليستان ېې انځورونه اخلی او بودايان ورته په كړس كړس خاندی خو داسې هیڅوك نه شته چې د برما مظلوم مسلمانان د اور له لمبو وباسی .
د برما د نوبل جايزې ګټونكې چې لودیځ ېې په برما كې د ديموكراسۍ سمبول بولی هم له دې عام وژلې ملاتړ كړئ او وايی مسلمانان بايد د برما له خاورې ووزی .
1058621