په افغانستان کې د طالبانو حکومت په ملګرو ملتو کې د نمایندګۍ غوښتونکی شوی

ایکنا-  د افغانسنان د طالبانو د حکومت د بهرنیو چارو وزیر امیرخان متقي د یوناما له سرپرستې جورجت ګانیون سره په لیدنې کې ټینګار کړی، چې افغانستان حق لري، د ملګرو ملتو او په نورو نړیوالو اورګانونو کې رسمي استازولي ولري.

د افغانستان د  بهرنیو چارو وزارت د مطبوعاتي دفتر د خبرپاڼې له مخې، په دغې لیدنې کې دواړو لورو د افغانستان په اړه د ملګرو ملتو د امنیت شورا د راتلونکې غونډې او نورو اړوندو موضوعاتو په اړه خبرې کړې دي.

د یاد وزارت په وینا، امیر خان متقي ویلي چې په ملګرو ملتو او نړیوالو ادارو کې د افغانستان د استازو شتون  د افغانستان او نړیوالې ټولنې ترمنځ د تعامل او اړیکو د پراختیا لپاره مهم دی او ټینګار ئې کړی چې د افغانستان استازولي د حکومت مسئولیت او د خلکو حق دی.

بلخوا، جورجت ګانیون هم له افغانستان سره د نړیوالې ټولنې د تعامل پر پراختیا او په بېلابېلو برخو کې د ملګرتیاؤ  پر دوام ټینګار کړی دی.

د غونډې په پای کې دواړو لورو د بشري همکاریو پر پراختیا او د ګډو کاري کمېټو د همغږۍ له لارې د متقابل تعامل پر پیاوړتیا ټینګار کړی دی.

 https://parstoday.ir/ps/news/afghanistan-i173128