Ҷамоварии Қуръонҳои пур аз хун дар масҷиди Дайр-ул-Балаҳи Ғазза + филм
Ба гузориши хабаргузории Вафо, дар ҳамлаи режими палид ва ҷинояткори саҳюнистӣ ба хонаҳои маскунӣ дар Дайр-ул-Балаҳ, воқеъ дар маркази Навори Ғазза 29 фаластинӣ ба шаҳодат расиданд.
Хабаргузории Вафо Фаластин тасовиреро мунташир кард, ки нишон медиҳад мардум дар ҳоли бардоштани вайронаҳои масҷид ҳастанд, ки ахиран дар ҳамлаи режими палид ва кӯдаккуши саҳюнистӣ ба Дайр-ул-Балаҳ вайрон шуда буд. Ин филм ҳамчунин анбӯҳе аз кутуби дуо ва нусхаҳои пора шудаи Қуръони Каримро нишон медиҳад, ки ғарқи дар хун аст.
Ҳамалоти режими саҳюнистӣ рӯзи якшанбе ба ду хона ва як масҷид дар маркази Навори Ғазза мунҷар ба кушта шудани 29 нафар ва захмӣ шудани дасти кам 60 нафари дигар шуд.
Дафтари иттилоърасонии ташкилоти худгардони Фаластин мустақар дар Навори Ғазза эълом кард, ки бо вуҷуди иддаоҳои мутаҷовизон мабнӣ бар амнияти минтақаи Дайр-ул-Балаҳ ва дархостҳо барои интиқоли оворагон ба ин минтақа, артиши режими ғосиби саҳюнистӣ дар 24 соати гузашта даст ба ҷиноят зада, ки дар натиҷаи он токунун 30 тан шаҳид шуданд.
Ин дафтар афзуд: ин куштори дастаҷамъӣ дар чорчуби наслкушие сурат мегирад, ки ишғолгарон алайҳи ғайринизомиён, кӯдакон ва занон дар ҷанги Ғазза муртакиб мешаванд.
Дафтари иттилоъ расонии ташкилоти худгардони Фаластин эълом кард, ки ҳамлаи мустақим ба манозили ғайринизомиён тавассути ҳавопаймоҳои ҷангӣ мӯҷиби афзоиши шумори шуҳадо мешавад.
Ин дафтар ҳамчунин аз ҳамаи кишварҳои озодихоҳи ҷаҳон хост, ки барои таваққуфи куштори дастаҷамъии миллати Фаластин дар Навори Ғазза даст ба иқдоме бизананд ва ҷорӣ шудани ҳаммоми хун ва куштор ва ҳамла ба ғайринизомиён, кӯдакон ва занонро поён диҳанд.
