Ифтитоҳи ду филиали нав аз мактаби Қуръонии “Имом Тайиб” дар Миср

Маркази рушди таълими донишҷӯёни хориҷии Донишгоҳи Алазҳар хабар дод, ки ду филиали нави мактаби ҳифз ва тиловати Қуръон бо номи “Имом Тайиб” (ба номи шайхи Алазҳар) дар Миср ифтитоҳ ёфт.

Ба гузориши ИҚНО, иқтибос аз Вето, маркази рушди таълими донишҷӯёни хориҷӣ (ғайримисрӣ) гуфт, ки ин ду филиал дар шаҳраки Наср ва шаҳракҳои пажӯҳишҳои исломӣ таъсис ёфтаанд.
Ҳадафи ифтитоҳи онҳо густариши муҳити омӯзиши Қуръон барои толибилмони хориҷӣ, навсозии барномаҳои таълимӣ ва корбурди фанновариҳои рақамӣ (диҷитал) мебошад.

Ин иқдом ба хотири иҷрои дастурҳои шайхи Алазҳар ва таъкиди ӯ бар тақвият ва тавсеаи хидматҳои таълимӣ, ҳамчунин фароҳам овардани имкони таҳсил барои донишҷӯёни хориҷӣ аз миллатҳои гуногун дар марҳилаҳои мухталифи таҳсил анҷом дода шудааст.

Сабти ном дар ин мактаб дар тӯли сол аз тариқи сомонаи
👉 www.azhar.eg/school

имконпазир аст.

Барои ҳамроҳ шудан ба гурӯҳи расмии мактаб дар WhatsApp низ пайванди зерин дастрас аст:
👉 https://chat.whatsapp.com

Мактаби ҳифз ва тиловати Қуръони “Имом Тайиб” дар се сатҳ фаъолият мекунад:

Пеш аз донишгоҳ,

Донишгоҳӣ,

Пас аз донишгоҳ (таҳсилоти олӣ).

Дарсҳоро олимони барҷастаи Қуръон ва улуми қуръонии Алазҳар меомӯзонанд.

Омӯзиш дар ин мактаб фақат барои толибилмони ғайримисрии Алазҳар пешбинӣ шудааст.

Ин муассиса бо омӯзиши бепули Қуръон, муайян кардани сатҳи донишҷӯён ва баргузории мусобиқаҳои солонаи Қуръонӣ барои шинохти истеъдодҳои нав фаъолият мекунад.

4313987