Баргузории сеюмин мусобиқаҳои «Вартил» дар шабакаи моҳвораии Сақалайн
Ба гузориши ИҚНО, шабакаи моҳвораии Сақалайн дар як эълон изҳор кардааст: ин мусобиқа дар моҳи Рамазон ба таври зинда аз ин шабака пахш мешавад ва алоқамандон метавонанд бо дар назар гирифтани шарту талаботи зерин барои он номнавис кунанд:
Номи пурраро ҳамроҳ бо кишвари маҳалли иқомати худ ирсол кунед.
Иштирокчиён бояд аз 18 то 40-сола бошанд ва барои исботи синну сол ҳуҷҷат (корти миллӣ ё шиноснома) пешниҳод намоянд. Ин мусобиқа махсус барои мардон аст.
Иштирокчиён бояд шумораи телефони ҳамроҳ, шумораи телефони хона, суроғаи почтаи электронӣ ва рамз (шнакома)-и Скайп-и худро ирсол намоянд. (Мусобиқа ба таври ғайриҳузурӣ тавассути Скайп, ба шакли овозӣ ва тасвирӣ баргузор мегардад.)
Барои ширкат дар марҳилаи муқаддамотии мусобиқа, як файли овозӣ аз қироати яке аз саҳифаҳои 60, 88, 125, 206 ё 549-и Қуръон, ба интихоби худ, ирсол намоед. Ин файли овозӣ тавассути WhatsApp ба шумораи «00989999914320» фиристода шавад.
Гуфтанист, ки шабакаи моҳвораии Сақалайн як шабакаи динӣ, қуръонӣ ва фарҳангӣ мебошад, ки бо тавлид ва пахши барномаҳои гуногун барои қишрҳо ва гурӯҳҳои мухталифи ҷомеа, ба масоили ҷаҳони ислом ва уммати исломӣ мепардозад.
Ин шабака бо тавлиди барномаҳои гуногун бо меҳварияти Қуръон ва мактаби Аҳли байт (а), ҳадафи эҳё ва густариши фарҳанг ва улуми исломиро пайгирӣ мекунад. Ҳамчунин бо тавлиди барномаҳои ҳадафманд барои занон, кӯдакон ва ҷавонон, дар самти тақвияти унсурҳои оилаи навини исломӣ мувофиқ ба таълимоти дини мубини ислом фаъолият мекунад.
Шабакаи моҳвораии Сақалайн дар моҳи Рамазони соли 1430 ҳиҷрии қамарӣ (2008 милодӣ) ба забони арабӣ ифтитоҳ шудааст.
Мусобиқаи байналмилалии телевизионии қуръонии «Вартил» дар бахши қироати тартилии Қуръон дар сатҳи ҷаҳони Ислом дар соли 1403 бо ибтикори шабакаи Сақалайн тарҳрезӣ шуд ва аз рӯзи аввали моҳи мубораки Рамазони ҳамон сол аз студияи ин шабака пахш гардид.
4327143
