Афзоиши шумори шаҳидони таркиши террористӣ дар Покистон ба 31 нафар

Пулис дар пойтахти Покистон эълон кард, ки шумори шаҳидони таркиши террористӣ дар ҳусайнияи шиаиён дар Исломобод ба 31 нафар ва теъдоди маҷрӯҳон ба 169 нафар расидааст.

Ба гузориши «Икно» бо истинод ба манобеи хабарии Покистон, омори шаҳидон ва захмиёни ҳодисаи таркиш дар масҷиди шиаиён дар Покистон афзоиш ёфтааст.

Бар асоси эълони ин расона, то кунун шаҳодати 31 нафар ва маҷрӯҳ шудани 169 тан дар ин ҳодиса аз сӯи пулиси шаҳри Исломобод, пойтахти Покистон, таъйид шудааст.

Тибқи иттилои расонаҳои Покистон, таркиши террористӣ дар масҷид ва ҳусайнияи «Хадиҷа-ул-Кубро» дар минтақаи «Терлай», воқеъ дар шаҳри Исломобод, рух додааст.

Гузоришҳои расонаӣ дар ин хусус нишон медиҳанд, ки пулис ва нерӯҳои амниятӣ минтақаи атрофи маҳалли ҳодисаро муҳосира карда, таҳқиқотро оғоз намудаанд, то муайян гардад, ки оё таркиш бар асари ҳамлаи интиҳорӣ рух додааст ё натиҷаи бомбгузории қаблан тарҳрезишуда мебошад.

4332675