Таъсиси факултети улуми Қуръонӣ дар Миср
Ба гузориши икно, Шӯрои вазирони Миср таҳти раёсати Мостафа Мадбули таъсиси факултети наверо дар донишгоҳи Ал-Азҳар бо номи «Факултети қироатҳо ва улуми Қуръонӣ» тасвиб кард.
Ин шӯро тавзеҳ дод, ки ин қарор пас аз баррасии Қонуни асосӣ ва қонуни рақами 103 соли 1961 дар бораи бозсозии Ал-Азҳар ва муассисаҳои вобаста ба он, ҳамчунин баъд аз таъйиди Шӯрои олии Ал-Азҳар ва тавсияи шайхи Ал-Азҳар гирифта шудааст.
Бар асоси қароре, ки дар рӯзномаи расмӣ мунташир шудааст, ду шуъбаи ин факултет таъсис меёбад: яке барои писарон ва дигаре барои духтарон. Шуъбаи писарон дар факултети Даъвати исломӣ дар Қоҳира ва шуъбаи духтарон дар факултети мутолиоти исломӣ ва арабии духтарон дар Қоҳира мустақар хоҳад шуд.
Таҳсил дар ин ду шуъба аз соли таҳсилии 2026/2027 оғоз мегардад.
Ин қарор дар айёми моҳи мубораки Рамазон, замоне ки мардуми Миср ба тиловати Қуръони Карим таваҷҷуҳи вижа доранд, қабул шудааст.
Қобили зикр аст, ки Донишгоҳи Ал-Азҳар ба далели тадриси Қуръон ва улуми қуръонӣ дар факултетҳои худ машҳур буда, Миср низ ба сабаби доштани қориёни номдор ба унвони «сарзамини тиловат» шинохта мешавад.
4336737
