«Мусҳафи Рудосӣ» — нуқтаи атфе дар ҳувияти динии Алҷазоир
Ба гузориши икно, ба нақл аз radioalgerie, ин Қуръони таърихӣ соли 2022 бо дастури Абдулмаҷи Тиббон, Президенти Алҷазоир, ҳамзамон бо шастумин солгарди ҳокимияти миллӣ (истиқлол) бознашр гардид.
Ин мусҳаф, ки даҳсолаҳо пеш дар Алҷазоир ба чоп расида буд, манбаъи муҳим барои шинохти тарзи таълими Қуръон дар мактабҳои қуръонӣ ва зовиҳо (мактабиҳои суннатии омӯзиши Қуръон) дар ин кишвар ба ҳисоб меравад.
Қуръони Рудосӣ дар давраи муборизаи муҷоҳидони Инқилоби Озодии Алҷазоир алайҳи истеъмори Фаронса ҳамроҳи онҳо будааст ва дар тӯли таърихи кишвар ба бахши ҷудонашавандаи меросе табдил шудааст, ки мардуми Алҷазоир ба воситаи он ҳувияти диниву миллии худро ҳифз кардаанд.
Ин Қуръон, пас аз шуҳрат ёфтан дар кишварҳои соҳили Африқо, ба «Мусҳафи Алҷазоир» маъруф гардид ва бо ҳадафи таҳкими робитаҳои таърихӣ ва маънавии амиқи Алҷазоир бо Африқо, ба таври ройгон миёни миллатҳои ин минтақа тақсим шуд.
Ҳамчунин ин Қуръон дар доираи талошҳои Алҷазоир барои хидмат ба Қуръон ва нашру таҳкими арзишҳои исломӣ, дар манотиқи гуногуни ҷаҳони Ислом паҳн мегардад.
Вазорати умури динӣ ва авқофи Алҷазоир низ масъулияти тақсими ройгони ин нусха миёни нобиноёнро бар уҳда гирифтааст ва ин Қуръон соли 2023 дар як нусхаи беназир, бо ду шакли хатти оддӣ ва Брилл ба чоп расид.
Кумитаи ихтисосӣ бо ҳамоҳангии Кумитаи бознигарӣ ва баррасии Қуръони Алҷазоир бар нашри хатти Бриллии ин Қуръон назорат кардааст. Нусхаҳои оддӣ ва Бриллии Мусҳафи Рудосӣ ба «сафирон»-и Алҷазоир дар ҷаҳони Ислом табдил ёфта, таваҷҷуҳи мардуми Алҷазоирро ба хидмат ба каломи ваҳй нишон медиҳанд.
4345004
