Чопи ҳаштҳазор сиккаи нуқра дар солгарди мусобиқоти Қуръони ҷоизаи Дубай
Ба гузориши манобеи хабарӣ, банки марказии Иморот ба муносибати бисту панҷумин солгарди ҷоизаи байналмилалии Қуръони Карими Дубай, 8000 сиккаи ёдбуди нуқра дар тарҳҳои мухталиф чоп кард. Вазни ҳар сиккаи нуқра 28 гарм ва арзиши он 25 дирҳам аст.
Банки марказии Иморот ба ин муносибат, ҳашт сиккаи мухталиф чоп кардааст, ки ҳар кадом тарҳи хосси худро доранд, ки бо ин мусобиқот ва бахшҳои мухталифи баргузор шуда тавассути ҷоизаи байналмилалии Қуръони Карими Дубай иртибот доранд.
Бар рӯйи сиккаҳо тарҳҳои рангӣ ва номи ҷоиза ба забонҳои арабӣ ва англисӣ дида мешавад. Ин тарҳҳо иборатанд аз: мусҳафи шайх Халифа ибни Зоид Оли Наҳён, маркази нусхаҳои хаттии Қуръони шайх Муҳаммад ибни Рошид Оли Мактум, мусобиқаи Қуръони байналмилалии шайха Фотима бинт Муборак, мусобиқаи Қуръони шайха Ҳинд бинти Мактум, мусобиқаи шайх Рошид ибни Муҳаммад барои зеботарин тиловат, мусобиқаи байналмилалии Қуръони Карими Дубай, барномаи шахсияти бартари исломӣ ва барномаи ҳофизи миллии Иморот.
Дар пушти сиккаҳо тасвире аз сохтумони ҷоизаи Қуръони Карими Дубай дида мешавад. Ин сиккаҳо ба ситоди баргузории ҷоиза дода мешавад ва барои фурӯш дар дафтари марказии банки марказии Иморот ва шӯъбаҳои он дар дастрас нахоҳад буд.
