عمان میں حفظ قرآن کے قومی مقابلے

ایکنا: سلطنتِ عمان میں وزارت اوقاف و مذہبی امور کی سرپرستی میں قومی سطح پر قرآنِ کریم حفظ کرنے کے مقابلوں کا پہلا دور "فاستمسک" قرآن کو مضبوطی سے تھامو“ کے عنوان سے شروع ہو گیا ہے۔

ایکنانیوز-  shabiba.com  نیوز کی رپورٹ کے مطابق، یہ مقابلے وقف فاؤنڈیشن „مستہیل“ کے تعاون سے پیر (۲۴ آذر) سے شروع ہوئے ہیں اور ان کا ابتدائی مرحلہ دو ہفتوں تک جاری رہے گا۔

ان مقابلوں میں مسقط، البُرَیمی، شمالی مشرقی، الداخلیہ اور ظفار کے صوبوں سے تعلق رکھنے والے حفاظ شریک ہیں۔ اس قرآنی ایونٹ کا مقصد شرکاء کے لیے قرآنی مقابلوں میں شرکت کو آسان بنانا اور انہیں اپنی صلاحیتوں کے اظہار کے لیے موزوں اور مسابقتی ماحول فراہم کرنا ہے۔

ان مقابلوں میں مجموعی طور پر ۳۴۷ مرد و خواتین شریک ہیں، جن میں ۱۷۶ مرد اور ۱۷۱ خواتین شامل ہیں۔

شرکاء دو شعبوں میں مقابلہ کر رہے ہیں:

مکمل قرآنِ کریم حفظ بمع تفسیرِ سورۂ بقرہ

مکمل قرآنِ کریم حفظ

ان مقابلوں کے پہلے دور میں کتابِ خدا سے وابستگی کی اہمیت پر زور دیا گیا ہے، نیز وزارتِ اوقاف و امورِ اسلامی عمان کی جانب سے حفاظِ قرآن کی حمایت کے لیے کی جانے والی کوششوں کو اجاگر کرنا اور مختلف طبقات کو حفظ و تلاوتِ قرآن کی طرف راغب کرنا بھی اس کا ہدف ہے، جو دینی اقدار کے فروغ اور اسلامی شناخت کے استحکام میں اہم کردار ادا کرتا ہے۔/

4323270