البانیہ میں پہلا قومی قرآنی مقابلہ

پہلے قومی حفظ و تلاوت قرآنی مقابلہ البانیہ میں شروع ہوچکے ہیں۔

ایکنا نیوز-  ویب سائٹ sra7h.com  کے مطابق یہ قرآنی مقابلہ سعودی عرب کی وزارتِ امورِ اسلامی و اسلامک گائیڈنس اور بوسنیا و ہرزیگووینا میں سعودی سفارت خانے کے دینی شعبے کے باہمی تعاون سے منعقد کیے جا رہے ہیں، جو 28 جنوری 2026 (8 بہمن) تک جاری رہیں گے۔

ان مقابلوں کی میزبانی البانیہ کے دارالحکومت تیرانا کر رہا ہے، جبکہ البانیہ کی اسلامی مشیخت (ادارۂ امورِ مسلمین) بھی ان کے انعقاد میں تعاون کر رہی ہے۔

ان مسابقات میں  120 لڑکے اور لڑکیاں (مرد و خواتین) شرکت کر رہے ہیں، اور مقابلوں کے لیے قرآنِ کریم کے دو پارے، پانچ پارے اور دس پارے حفظ کرنے کی کیٹیگریز مقرر کی گئی ہیں۔

ایک خصوصی اور ماہر ججوں کی کمیٹی ان مقابلوں کی نگرانی کرے گی، جو شرکاء کی حسنِ ادا، صوت و لحن اور تجوید کا جائزہ لے گی۔

مقابلوں کی اختتامی تقریب اور نمایاں کامیابی حاصل کرنے والوں میں انعامات کی تقسیم بدھ کے روز 8 بہمن کو منعقد ہوگی، جس میں متعدد دینی شخصیات اور سرکاری حکام شرکت کریں گے۔

یہ قرآنی مقابلے سعودی وزارتِ امورِ اسلامی کی ان کوششوں کا حصہ ہیں جن کا مقصد سعودی عرب سے باہر قرآنی پروگراموں کو فروغ دینا، نئی نسلوں کو قرآنِ کریم کے حفظ، تعلیم اور تدبر کی طرف راغب کرنا، اور اعتدال و میانہ روی کی اقدار کو مضبوط بنانا ہے۔