ایکنا: حتمی مرحلے کے آغاز سے لے کر مصر کے وزیرِ اوقاف سے شرکاء کی ملاقات تک + ویڈیو
ایکنا نیوز- الوطن نیوز کے مطابق جمعہ 26 دسمبر 2025ء کو پروگرام "دولتِ تلاوت" کی تیرہویں قسط نشر ہونے کے ساتھ ہی اس مقابلے کا حتمی مرحلہ شروع ہو گیا۔ اس مرحلے میں 16 شرکاء چار چار افراد پر مشتمل چار گروپوں میں ایک دوسرے سے مقابلہ کر رہے ہیں۔
اس مرحلے میں بعض شرکاء مقابلے کے لیے مشترکہ تلاوتیں پیش کرتے ہیں اور بالآخر ایک شرکاء مقابلے سے باہر ہو جاتا ہے۔
اس کے بعد اس پروگرام میں احمد نعینع، شیخ القراء اور معروف مصری قاری و معالج کی تلاوت بھی پیش کی گئی۔
آخرکار محمد ابو العلاء اس مرحلے کے مقابلے سے خارج ہو گئے۔
دارالقرآن مصر کا تعارف
پروگرام "دولتِ تلاوت" کے میزبان آیہ عبدالرحمن نے مصر کے نئے انتظامی دارالحکومت میں قائم دارالقرآن مصر کا تعارف کراتے ہوئے کہا کہ یہ ایک منفرد دینی و ثقافتی عمارت ہے جو کتابِ خدا کی عظمت کی عکاسی کرتی ہے۔
»
انہوں نے مزید کہا کہ دارالقرآن کے اندر قرآنِ کریم کے حرف بہ حرف نقوش ثبت ہیں اور اس مرکز میں 30 ہال ہیں، جن میں سے ہر ایک قرآنِ مجید کے ایک پارے اور مختلف ادوار میں تلاوتِ قرآن کی تاریخ کو بیان کرتا ہے۔
آیہ عبدالرحمن نے بتایا کہ اس دارالقرآن میں مصر کے ممتاز قاریوں کا خصوصی میوزیم بھی قائم ہے، جہاں زائرین کو ان قاریوں کی آوازیں سننے کا موقع ملتا ہے، گویا وہ زندہ ہوں اور موجود ہوں۔
مصر کے وزیرِ اوقاف سے چار شرکاء کی ملاقات
رپورٹس کے مطابق، مصر کے وزیرِ اوقاف اسامہ الازہری نے پروگرام دولت تلاوت کے شرکاء محمد حسن، محمد ابو العلاء، عمر علی اور محمد ماہر سے گزشتہ روز جمعہ (26 دسمبر 2025ء) ملاقات کی، جو ان کے لیے خوشی اور مسرت کا باعث بنی۔
قابلِ ذکر ہے کہ مصر کی وزارتِ اوقاف نے میڈیا سروسز کمپنی ’’المتحدہ‘‘ کے تعاون سے قرآنِ کریم کی تلاوت میں قرآنی صلاحیتوں کی دریافت اور شناخت کے لیے ملک کا سب سے بڑا ٹیلی ویژن مقابلہ ’’دولتِ تلاوت‘‘ کے عنوان سے منعقد کیا ہے۔/
4325263
