Londonda Quran müsabiqəsi keçiriləcək

Beynəlxalq şöbə: Britaniyanın London şəhərində avqustun 19-dan 26-dək Beynəlxalq Quran müsabiqəsi keçiriləcək.

İQNA Quran agentliyinin “ICCUK” saytına istinadən məlumatına əsasən, London Mərkəzi msəcidinin təşəbbüsü ilə keçiriləcək Quran müsabiqəsində 25 yaşdan aşağı gənclər 5 fənn üzrə bir-biri ilə yarışacaq.
Quran müsabiqəsinin iştirakçıları Quranın təcvid qaydaları ilə əzbər oxunması, birinci cüzün təfsiri, təcvid və tərtil qaydalarına riayət etməklə Quranın 20 cüzünün əzbər oxunması, təcvid və tərtil qaydalarına riayət etməklə Quranın 10 cüzünün əzbər oxunması və Quranın 6 cüzünün əzbər oxunması üzrə keçiriləcək.
Müsabiqədə iştirak edənlər təcvid qaydaları ilə tanış olmalı, Quranın qriaət qaydaları ilə tanış olmalıdırlar. Müsabiqədə həmçinin görmə qabiliyyəti olmayan şəxslərin və 12 yaşından aşağı olan yeni yetmələrin iştirakı üçün də şərait yaradılıb. 796771