Çin Liviya Milli Keçid Şurasını rəsmən tanıdı

Beynəlxalq şöbə: Çin Liviya Milli Keçid Şurasını rəsmi olaraq tanıyıb və Liviya elçisini ölkə nümayəndəsi olaraq qəbul edib.

İqna Quran Xəbər Agentliyi (İQNA): Çin hökuməti Liviya Milli Keçid Şurasını rəsmi olaraq tanıdığını elan edərək deyib: Bu şura Liviyaya hakim bir güc olaraq millətin nümayəndəsidir. Çin Xarici İşlər naziri bəyanat yayaraq bildirib ki, Çin hökuməti Liviya xalqının seçkisinə hörmət etməklə birlikdə bu ölkənin Milli Keçid Şurasına diqqət yönəldərək şura ilə möhkəm əlaqələr quracaq.

Çin bu əlaqələr zəminində səy göstərəcəyini və indiyə qədər bu şura ilə imzalanan razılaşmalara ciddiliklə əməl olunacağını qeyd edib. 859898