Səudiyyə Ərəbistan rejimi şiələrə cümə namazı qılmağa icazə verməyib

Tehran, 13.02.2016 - Səudiyyə Ərəbistanın rejim təhlükəsizlik qüvvələri ötən gün ölkənin şərqində Əl-Əhsa məntəqəsində yerləşən "Rəsul Əzəm" məscidinə hücum edərək, məscidin qapılarını bağlayıb və şiələrə cümə namazı qılmaq icazəsi verməyiblər.

(IQNA) Beynəlxalq Quran Xəbər Agentliyi Maide.az-a istinadla xəbər verir ki, Əl-Əhsa məntəqəsinin cümə namazı xətibi Şeyx Hüseyn Razı bir neçə gün öncə Ərəbistan rəsmilərinə qarşı kəskin tənqidlər səsləndirdiyinə görə, rəsmi dairələrə çağırılmış və ona xəbərdarlıq edilmişdi.

Şeyx Hüseyn Razı tanınmış ruhani Şeyx Nimr Baqir əl-Nimrin edam edilməsinin ardınca Ali-Səud rejiminə qarşı kəskin fikirlər səsləndirmiş, Şeyx Nimri azadlıq və insani kəramət şəhidi adlandırmışdı.