Əfqanıstanda ibtidai məktəbə edilən hücum nəticəsində 2 şagird ölüb

Əfqanıstanın şimalındakı Cüzcan vilayətinin Kuş Təpə rayonunda məktəbə əl qumbarasının atılması nəticəsində iki şagird həyatını itirib.

İQNA (Beynəlxalq Quran Xəbər Agentliyi) shafaqna-ya istinadla xəbər verir ki, Cüzcan Polis İdarəsinin sözçüsü Abdül Səttar Halimi jurnalistlərə verdiyi açıqlamada, naməlum şəxsin Kuş Təpə rayonundakı məktəbə əl qumbarası atdığını bildirib.

Hücumda 2 şagirdin həyatını itirdiyini ifadə edən Halimi, 4 şagirdin də yaralandığını söyləyib.

Şahidlər hücumun qızların təhsil aldığı ibtidai məktəbdə təşkil edildiyini irəli sürüb.

Qeyd edək ki, hücuma görə məsuliyyəti öz üzərinə götürən olmayıb.