Namaz bütün ibadətlərdən üstündür
Qədr gecəsi, İslam bayramları kimi xüsusi günlərdə və fəziləti və dəyəri olan hər bir gecə və gündüz üçün xüsusi dua gəlmişdir. Məbəs gecəsi, Peyğəmbərin (s) mövludu gecəsi və cümə gecəsi kimi xüsusi günlər barədə adətən xüsusi namazlar gəlib. Həqiqətdə, xüsusi namazı olmayan müqəddəs günlər tapmaq mümkün deyil.
Bu da onu göstərir ki, namaz bütün ibadətlərin başında durur. İbadət oluna bilən hər bir vəziyyətdə namaz ön plandadır.
Namaz müxtəlif növləri olan ibadət formasıdır
Əgər cihad və həcc bir neçə növlə məhdudlaşsa da, namazın yüzlərlə növü var.
Mərhum alim Hacı Şeyx Abbas Quminin “Məfatihul-Cinan” kitabına sadə nəzər salmaqla müəyyən yerlər və vaxtlar üçün gəlmiş müstəhəb namaz növlərini görmək mümkündür. Əlbəttə ki, onlar "müstəhəbbi namazlar" adlı müstəqil kitabda təqdim edilmişdir.
Bu müxtəlif müstəhəbbi namazlar müsəlmanların istənilən vəziyyətdə Allaha dua etmək ehtiyaclarını asanlıqla yerinə yetirmələri üçündür. Bu, İslamın Allahla ünsiyyət yolunu genişləndirdiyini göstərir.
- Möhsin Qəraəti tərəfindən yazılmış "Namaz haqqında yüz on dörd məqam" kitabından götürülmüşdür.
