Taylandın Baş naziri Quran nüsxələrinin qorunma mərkəzini ziyarət etdi
"İQNA", Tailand xəbər agentliyinə istinadən xəbər bildirir ki, ölkənin baş naziri Srettha Thavisin Taylandın cənub əyalətlərinə səfərinin üçüncü günündə Narathivatdakı mədəniyyət, incəsənət və islami məkanları ziyarət edib. Cənubi Taylandın aparıcı İslam mərkəzlərindən biri olan və Taylandın baş nazirinin xüsusi heyətlə ziyarət etdiyi İslam İncəsənət Muzeyi Quranın xüsusi qədim nüsxələrinin qorunduğu mərkəzdir.
Taylandın Mədəniyyət Nazirliyi və Cənub Əyalətlərini İdarəetmə Təşkilatı ilə əməkdaşlıq çərçivəsində yaradılan bu mərkəzdə İslam və Quran elmləri də tədris olunur. Mərkəzdə yaşı 100 ilə 800 arasında dəyişən 70 qədim Quran var.
Taylandın baş naziri bu mərkəzə səfəri zamanı qədim Quran əlyazmalarının bərpası və saxlanmasına cavabdeh olan iki məsul şəxslə söhbət edib, bərpa və texniki xidmət haqqında məlumat alıb.
4202986
