Sionist əsirin görüntüləndiyi videoda Qəzza zolağındakı humanitar fəlakətin dərinliyi əks olunur
“İQNA”-nın Fələstin İnformasiya Mərkəzinə istinadla verdiyi xəbərə görə, HƏMAS-ın hərbi qanadı olan Əl-Qəssam Briqadaları “Onlar nə yeyirlərsə, biz də onu yeyirik” başlığı ilə Qəzzadakı israilli əsirlərlə bağlı yeni bir video yayımlayıb.
Əl-Qəssam Briqadaları bu videoda Qəzzada aclıq və qıtlıq səbəbindən uşaqların və mülki vətəndaşların vəziyyəti ilə israilli əsirlərin durumu arasında müqayisə apararaq bildirib ki, sionist əsirlər Qəzza xalqının yediyi və içdiyi şeyləri yeyir və içirlər.
Videoda vurğulanır ki, israilli əsirlərin razılaşdırılmış bir razılaşma çərçivəsində azad edilmələri planlaşdırılsa da, işğalçı sionist rejim onları aclığa məhkum etməyə qərar verib.
Videonun bir hissəsində İsrailin baş naziri Benyamin Netanyahu və daxili təhlükəsizlik naziri İtmar Ben-Qvirin açıqlamaları yer alıb. Onlar Qəzzanın bombalanmasının və əhalisinin aclığa məruz qalmasının davam etdirilməsini, eləcə də öz əsirlərinin vəziyyətinə laqeyd qalınmasını vurğulayırlar.
Əl-Qəssam Briqadaları tərəfindən yayımlanan və israilli əsirin ağır fiziki durumda göstərildiyi bu video sosial şəbəkələrdə geniş əks-səda doğurub.
Bir çox istifadəçi bu görüntünü Qəzza zolağında baş verən humanitar fəlakətin bariz bir göstəricisi kimi dəyərləndirib. Bu bölgə aylardır sərt mühasirə altındadır və sakinləri aclıq və qıtlıqla mübarizə aparır.
4297629
