Yəmən Ənsarullah hərəkatının lideri: Sionistlərlə barışmaq mümkün deyil
“İQNA”-nın “əl-Məsirə”-yə istinadən xəbərinə görə, Əbdülməlik Bədrəddin əl-Husi, Yəmən Ənsarullah hərəkatının lideri deyib: “İslam ümməti sionist yəhudilərlə birgəyaşayış və anlaşma əldə edə bilməz, çünki onların mövcudluğu fəsad və istibdad üzərində qurulub”.
O əlavə edib ki, sionist yəhudilər fəsad törədirlər və bu, Fələstinin işğalının başlanğıcından bu günə qədər davam edir.
Yəmən Ənsarullah lideri vurğulayıb: “Bir çox İslam ölkələrinin rejimləri və şəxsləri sionist yəhudilər barədə düzgün baxışa malik deyillər və onlarla sülh və birgəyaşayışın mümkünlüyünü elə təbliğ edirlər ki, guya bu, reallığa çevrilib”.
O deyib: İslam dünyasının hazırkı vəziyyəti qarışıqdır və bu, düşmənə qarşı yanlış yanaşmanın nəticəsidir. Ölkə daxilində bir çox insanlar, xüsusilə də elita təbəqəsi, sionist düşmənin yaratdığı təhlükəni onun həqiqi səviyyəsinə uyğun şəkildə dəyərləndirməyiblər.
Ənsarullah lideri bildirib: Qurani-Kərim sionist yəhudilərlə mübarizə üçün doğru baxış bucağını təqdim edir. Düşmənlərin məşhur yalanlarını sadəcə dinləmək əvəzinə, etibarlı mənbəyə — Qurani-Kərimə — müraciət etməliyik, çünki onun təqdim etdiyi həqiqətlər inkarolunmazdır. Zamanını, səylərini və imkanlarını yanlış seçimlərə sərf edən ümmət yalnız düşməni gücləndirir. Ümmətimiz düşmənləri ilə mübarizə aparmaq üçün ən doğru, ən dəqiq və ən düzgün metoda ciddi şəkildə ehtiyac duyur və bunu Qurani-Kərim təqdim edir.
4353199
