Quranın "mürəttəl" oxunuşu Əbdül-Basitin oğlunun səsi ilə yazıldı
İQNA-nın (Beynəlxalq Quran Xəbər Agentliyi) "ehram" xəbər agentliyinin internet səhifəsinə istinadən verdiyi xəbərə görə Bütün Quranın "tərtil" ilə oxunuşu "Qalunun Nafe` Mədənidən rəvayəti ilə" – (10 məşhur qiraət növündən biri) - misirli qari mərhum Əbdüs-Səməd Əbdül-Basitin oğlu Şeyx Tariq Əbdül-Basit Əbdüs-Səmədin səsi ilə yazıldı.
Quran qiraəti alimlərindən bir qrupu bu "mürəttəl" qiraəti təsdiq etmişlər. Quranın Şeyx Tariq tərəfindən tərtil oxunuşu Quran işlərinə məxsus peyk kanalları və radiolarından yayımlanacaqdır.
Bundan öncə də Şeyx Tariq Əbdül-Basit Əbdüs-Səmədin səsi ilə Quranın mürəttəl qiraəti "Həfsin Asimdən rəvayəti" ilə xətm olmuşdu. Bu qiraət növü dünyanın ən yayılmış Quran qiraət növüdür və hal-hazırda da Quran kanalları və radiolarından yayımlanır.
