“İQNA”-nın "al24news"-a istinadən verdiyi məlumata görə, Dünya Müsəlman Alimləri Birliyi Şeyx Məhəmməd Səid Kəbbaşın vəfatını Əlcəzair üçün böyük bir itki adlandırıb. O, elmi, təbliği, təlim-tərbiyəni, islahatçılığı, cihadı və vətəninə xidməti özündə birləşdirən bir şəxsiyyət olub.

Birlik bəyan edib ki, Quran-i Kərim onun həyatında, düşüncə tərzində və fəaliyyətlərində mərkəzi rol oynayırdı. Onun bu sahədəki təsiri öz yazdığı əsərlərdə, yetişdirdiyi tələbələrdə və tərbiyə etdiyi nəsillərdə öz əksini tapıb.

Birlik onun qoyub getdiyi faydalı elmi irsi və davamlı töhfələrini xatırladaraq, Uca Allahdan onun Quranla bağlı fəaliyyətlərini, elmi və təbliğ işlərini, eləcə də gələcək nəsillərə öyrətdiyi hər şeyi onun savab tərəzisində ağır gəlməsini və ona ən gözəl mükafatı verməsini diləyib.

Dünya Müsəlman Alimləri Birliyi, həmçinin Allahdan mərhuma geniş rəhmət etməsini, məkanını cənnətlik etməsini, elminə, təbliğinə, islahatçılığına və cihadına görə onu mükafatlandırmasını, həmçinin onu salehlər, peyğəmbərlər, siddiqlər və şəhidlərlə birlikdə məşhur etməsini dua edib.

Şeyx Məhəmməd Səid Kəbbaş elmi və Quran araşdırmaları sahəsində görkəmli sima, Əlcəzairin Qardaya vilayətindəki "Əl-Atf" şəhərində və "Mzab" vadisində ən mühüm elmi şəxsiyyətlərdən biri hesab olunurdu. O, avqustun 7-də 97 yaşında dünyasını dəyişib.

O, bütün ömrünü Allahın kitabına xidmətə, həmçinin təhsil və sosial islahatlara həsr edib. Onun qoyub getdiyi elmi və fikri irs, elmi özünə missiya, Quranı isə hidayət çırağı və həyat yolu seçən bir insanın yaşadıqlarının sübutudur.

Onun ən mühüm əsərlərindən biri "Nəfəhatur-Rəhman fi Riyazil-Quran" (Quran bağlarında Rəhmanın nəsimləri) adlı məşhur təfsiridir. Bu əsər Quran təfsiri sahəsində görkəmli elmi nailiyyət hesab olunur və onun onilliklər boyu davam edən elm toplamaq, tədris, təbliğ və islahat cəhdlərinin zirvəsini təşkil edir.

Bu itki ilə bağlı Əlcəzair Prezidenti Əbdülməcid Tebbun mərhumun ailəsinə və Əlcəzair cəmiyyətinə öz başsağlığı və kədərini çatdırıb.

O, bu mərhum Quran aliminə ehtiramını bildirərək vurğulayıb: "Əlcəzair həyatını tolerantlıq dəyərlərinin və milli birliyin qorunmasına həsr etmiş bir sosial islahat qəhrəmanını itirdi".

4368824