DQİDK sədri Mübariz Qurbanlı İrana səfər edəcək

Tehran(İQNA)_Dini Qurumlarla İş üzrə Dövlət Komitəsinin sədri Mübariz Qurbanlı İran İslam Respublikasının İslam Mədəniyyəti və Əlaqələri Təşkilatının sədri Əbuzər İbrahiminin dəvəti ilə bu ölkəyə səfər edəcək.

IQNA-nın Salamnews-a istinadla verdiyi xəbərə görə, mayın 2-dən 6-dək davam edəcək səfərin məqsədi iki ölkə arasında dini sahədə təcrübə mübadiləsi və gələcək əməkdaşlığın daha da genişləndirilməsi məsələlərini müzakirə etməkdir.

Səfər çərçivəsində M.Qurbanlının Tehran, Təbriz və Qum şəhərlərində dövlət rəsmiləri və din xadimləri ilə görüşləri nəzərdə tutulub.