Beynəlxalq Quran Xəbər Agentliyi(İQNA) İslamazeri.az-a istinadla verir ki, avqustun 5-də İranın Qərbi Azərbaycan əyalətinin Urmiya şəhərində "Həzrət Əli (ə) türbəsi" adlı bir sərgi fəaliyyətə başlayıb. Çəkdiyi fotoları böyük şövq və zövqlə nümayiş etdirən Məhəmməd Xoşru bu sərgidə ilk məqsədinin Həzrət Əli (ə) türbəsini tanıtmaq olduğunu bildirərək, fotoları nümayiş etdirməklə İran-İslam incəsənəti və memarlığının dünyada tanınmasını da qarşısına məqsəd qoyduğunu söyləyib.
Məhəmməd Xoşru sərgidə olan hər bir fotoşəkilin Əhli-beyt (ə) məqbərələrinə dair mühüm mənalar daşıdığını qeyd edərək, iranlıların Əhli-beyti (ə) çox sevdikləri üçün bu türbələrin inşasında böyük qayğı göstərdiklərini bildirib.
İran-İslam sənətinin Əhli-beyt (a.s) türbələrinin inşasında böyük əhəmiyyət daşıdığını qeyd edən Xoşru, iranlıların hər zaman bu türbələrə böyük hörmətlə yanaşdıqlarına qeyd edərək, "Mən çəkdiyim fotoları nümayiş etdirməklə Həzrət Əli (ə) türbəsini bərpa etmək məsələsində kömək edənlərə təşəkkürlərimi bildirmək istədim. Bu fotolar, həmçinin indiyə qədər Həzrət Əli (ə) türbəsini ziyarət edə bilməyənlər üçün də bir mənəvi səfər xarakterini daşıya bilər". -deyə əlavə edib.