Moskva ruhaniləri Bəhreyndə baş vermiş hadisələrlə bağlı bəyanat yayıb

Tehran, 26.06.2016 – Axır zamanlarda Bəhreyndə müsəlmanlara qarşı olan təzyiqlər hər bir azadlıqsevər insanı narahat etməkdədir.

IQNA - Bəhreyndə baş verən hadisələrlə bağlı Moskva ruhaniləri bəyanat yayıb.

Bəyanatda deyilir:

"Bəhreynin diktator rejiminin dünyanın heç bir qanunlarına uyğun gəlməyən hərəkətləri Rusiyanın Moskva şəhərində yaşayan azərbaycanlı müsəlmanları, xüsusən ruhaniləri çox narahat edir. Bu rejimin son rəzaləti dünya şöhrətli və əsl-nəcabətli bəhreynli Ayətullah Şeyx İsa Qasiminin vətəndaşlıqdan məhrum edilməsi olmuşdur. Diktator rejimin bu hərəkəti onun son nəfəsinin göstəricisidir. Biz Moskva ruhaniləri bu hərəkəti pisləyir və bütün aidiyyatı qurumlardan, xüsusən BMT-dən Bəhreyn rejiminin bu özbaşınalığının qarşısını almağı tələb edirik. Ali Xəlifə rejiminə tarixdən dərs almağı tövsiyə edirik”.(maide.az)