Qurani-Kərimin Polyak dilinə tərcüməsi çap və nəşr ediləcək

Polşanın "İslami İttihad Təşkilatı" Qurani-Kərimin Polyak dilinə tərcümə edildiyi barədə məlumat yayaraq bildirib ki, bu tərcümə payıza qədər çap və nəşr ediləcəkdir.

İQNA-nın (Beynəlxalq Quran Xəbər Agentliyi) "le 360" inofrmasiya portalına istinadla verdiyi xəbərə görə, Polşanın "İslami İttihad Təşkilatı" Qurani-Kərimin Polyak dilinə tərcümə edildiyi barədə məlumat yayaraq bildirib ki, bu tərcümə payıza qədər çap və nəşr ediləcəkdir.

Polşanın "İslami İttihad Təşkilatı" verdiyi məlumatda deyilir ki, Qurani-Kərimin Polyak dilinə* tərcüməsi üç ilə işlənmişdir. Tərcüməyə bir qrup müsəlman alimləri, ilahiyyatçılar və Ərəb dili mütəxəssisləri nəzarət ediblər.

İslami İttihad Təşkilatının verdiyi məlumata görə, Qurani-Kərimin Polyak dilinə tərcüməsinin ilk çapı 5000 nüsxədə nəşr ediləcəkdir. Eyni zamanda İslami İttihad Təşkilatının saytında da sosial şəbəkə istifadəçilərinin ixtiyarına veriləcəkdir.

Hazırda Qurani-Kərimin Polyak dilində iki nüsxə tərcüməsi mövcuddur. Bunlardan biri 1858-ci ildə və digəri isə 1986-cı ildə Polşada nəşr edilmişdir. Bu iki tərcümədə bəzi nöqsanlar olduğu üçün "İslami İttihad Təşkilatı" Qurani-Kərimin yenidən tərcümə edilməsi qərarına gəlib. Yeni tərcümədə Quran ayələrinin cəmiyyətin bütün təbəqələri üçün anlaşılan mənada tərcümə edilməsinə çalışılmışdır.

*  Əsasən Polşada yaşayan polyakların dili. Bu dil Hind-Avropa dillərinin Qərbi slavyan dilləri qrupunun lehit dilləri yarımqrupuna aiddir.

http://iqna.ir/fa/news/3734389