Əlcəzayirin Vəqflər naziri bu Quran nüsxəsini geri topladı
İQNA-nın (Beynəlxalq Quran Xəbər Agentliyi) verdiyi xəbərə əsasən, Əlcəzayirin Vəqflər nazirliyi bir Quran nüsxəsindəki çap səhvinə görə, həmin nüsxənin kitab bazarı, məscidlər, kitabxanalar və Quran müəsissələrindən geri toplanılması barədə rəsmi şəkildə göstəriş verdi.
Əlcəzayirin Vəqflər nazirliyinin bəyaniyyəsində yazılmışdır ki, "Müshəful-Haziqis-Səğir" adlanan Qurani-Kərim nüsxəsi "İbnul-Həfsi" nəşriyyatı tərəfindən çap və nəşr edilmişdir. Bu Quran nüsxəsinin çapı lisenziyası Əlcəzayir Vəqflər Nazirliyinin əmrinə əsasən dayandırılır və aidiyyatı üzrə bütün orqanlardan tələb edilir ki, bu nüsxənin yayılmasının qarşısını almaq üçün lazım olan tədbirləri görsünlər.
Qeyd edək ki, Əlcəzayirin məscidlərinin xətibləri, camaat imamları və Quran müəllimləri bu çapda onlarla çap səhvinin olduğunu elan ediblər.
