Kərbəlada Ərbəin zəvvarlarını qəbul etmək üçün qeyri iş günləri müəyyən olundu

İQNA -Kərbəla qubernatorluğunun açıqlamasına əsasən, bu əyalət Ərbəin zəvvarlarını layiqli şəkildə qarşılamaq məqsədilə gələn çərşənbə, cümə axşamı və bazar günü rəsmi tətil elan edib.

“İQNA"-nın İraq mediasına istinadən verdiyi xəbərə görə, bununla əlaqədar olaraq, İraqın Təhlükəsizlik İnformasiya Mərkəzi Ərbəin zəvvarlarından şəxsi nəqliyyat vasitələri əvəzinə ictimai nəqliyyatdan istifadə etməyi xahiş edib.

Bu mərkəz İraqın rəsmi xəbər agentliyi (İNA) tərəfindən yayımlanan bəyanatında zəvvarları şəxsi nəqliyyat əvəzinə ictimai nəqliyyat vasitələrindən istifadə etməyə dəvət edib.

Mərkəz, həmçinin ölkənin Yol Polisi İdarəsinə hava temperaturunun artması ilə əlaqədar təhlükəsizlik tədbirlərinin icrasına nəzarəti gücləndirməyi tapşırıb.

4366570