IQNA (Beynəlxalq Quran Xəbər Agentliyi) Sahartv-yə istinadla xəbər verir ki, Ayətullah Möhsün Əraki bu gün Tehranda islami vəhdət konfransının açılışı mərasimində etdiyi çıxışında deyib: Belə bir böyük yığıncağın keçirilməsində məqsəd müqavimət cəbhəsinə və regionda islami müqavimət qüvvələrinə dəstək verməkdən ibarətdir.
Ayətullah Əraki deyib: Bu böyük yığıncaq göstərir ki, islam dünyasında təkfirçilik və təfriqə yaratmaq planı məğlubiyyətə uğrayıb və islam dünyası bütün etnik və coğrafı fərqliliyi və çeşidliliyinə rəğmən Qurani Kərim və Rəsulullah(s.ə) yolunda bütöv və yekdildir.
İslami məzhəblərin yaxınlaşdırılması assambleyasının baş katibi həmçinin bu konfransın keçirilməsinin mesajının, ABŞ-ın regiondakı müttəfiqlərinə qarşı İran İslam Respublikasının qələbəsi, ABŞ-ın islam dünyasındakı hegemoniyasının məğlubiyyətə uğraması, amerikan, sionist və Səudiyyə terrorizmi qarşısında müqavimət göstərən qəhrəman xalqlara dəstəyin elan edilməsi olduğunu bildirib.