İQNA-nın (Beynəlxalq Quran Xəbər Agentliyi) verdiyi xəbərə görə, Sudanın müvəqqəti baş naziri bu ölkənin Yəməndəki silahlı qüvvələrini geri çağıracağını elan edib.
Sudanın müvəqqəti baş naziri Abdullah Həmduk deyib: Bizim Yəmənin işinə müdaxiləmiz təkcə tərəfləri siyasi həll yoluna dəvət üçün olmalıdır. Buna görə də silahlı güclərimizi Yəməndən geri çağırmaq istəyirik.
Atlantik şurası toplantısında iştirak edən Həmduk əlavə edib: Bizim dövlətimiz Ömər əl-Bəşirin zamanında Yəmənə hərbi müdaxilə edib. Yəməndəki çəkişmə hərbi yolla həll olmayacaq. Bu savaş siyasi yolla həll edilməlidir. Biz Yəməndəki bacı və qardaşlarımıza kömək edirik.
Qeyd edək ki, Ömər əl-Bərişin dövründə Sudan hərbiçiləri Səudiyyə koalisiyasının tərkibində Yəmənə girib. ƏNSARULLAH sözçüsünün hesabatına görə 2015-ci ildən indiyədək Yəməndə 4 min Sudanlı əsgər ölüb.