İQNA-nın (Beynəlxalq Quran Xəbər Agentliyi) verdiyi xəbərə görə, "The Guardian" qəzeti 2019-cu ilin ən yaxşı 10 memarlıq abidəsinin siyahısını dərc edib. Kembric Came məscidinin memarlığı 2019-cu ilin ən yaxşı 10 memarlıq abidəsindən 5-cisi olub.
Qəzetin yazdığına görə, məscidin girişində yüksələn və sarmaşıq kimi əyri budaqlar meydana gətirən sütun var. Məscid İngiltərədəki ən heyrətamiz binalardan biridir.
İslam dizaynları və bənzərsiz bəzəkləri ilə seçilən bu məscidin yaradıcı dizaynı tamaşaçıları valeh edir. Məscid damının dizaynında İslam həndəsə mütəxəssislərindən məsləhət alınıb.