Nigeriya xalqı Şeyx Zəkzəki üçün yenidən nümayişlərə başladı
Nigeriya xalqı Nigeriya İslam Hərəkatının (İMN) lideri Şeyx İbrahim Zəkzəkinin qeyd-şərtsiz azadlığa buraxılmasını tələb edərək, yenidən nümayişlərə başlayıblar.
Deyerler.org İslamicmovement-ə istinadən xəbər verir ki, oktyabrın 2-si Sokoto ştatının İllela şəhərində etiraza çıxanlar, həbsdə olan İMN lideri Şeyx İbrahim Zəkzəki və xanımı Malama Zinətin azadlığa buraxılması üçün şüarlar səsləndiriblər.
Əllərində Şeyx Zəkzəkinin şəkillərini daşıyan etirazçılar Federal Ali Məhkəmənin Şeyx Zəkzəki və xanımı barədə çıxardığı qərarın hökumət tərəfindən icra edilməsini tələb ediblər.
Nümayişçilər sentyabrın 29-u Kaduna Dövlət Məhkəməsinin heç bir sübut olmadığına baxmayaraq, ağır xəstə olan şeyx və xanımını hələ də həbsdə saxlamasını qınayıblar.
