İmam Əlinin (ə) hərəmində Şəbaniyyə mövludları mərasimləri - Foto
Hərəmin xuddamları İmam Hüseyn (ə), İmam Səccad (ə) və Həzrət Abbasın (ə) şəninə şeirlər və qəzəllər oxuyublar və mövlud münasibətilə Mövla Əmirəl-möminin İmam Əlini (ə) təbrik ediblər.
Xatırladaq ki, ötən gün (18 Mart 2021) Həzrət Abbasın (ə) doğum günü idi. Həzrət Abbas İmam Əli (ə) ilə Ümmül-Bəninin ilk övladıdır və hicrətin 26-ci ilində, mübarək şəban ayının dördüncü günü Mədinə şəhərində dünyaya gəlmişdir. Onun mövludu evlərinə nur, Həzrət Əlinin (ə) qəlbinə sevinc bəxş etmişdir. Rəvayətə görə, Əbülfəzl Abbas (ə) dünyaya gələndə, qardaşı İmam Hüseyn (ə) onu əllərinə götürməyincə uşaq gözlərini açmırdı. Maraqlıdır ki, həmin hadisə atası İmam Əli (ə) dünyaya gəldikdə də baş vermişdir. Həzrət Əli (ə) gözlərini yalnız əziz Peyğəmbərimizin (s) qolları üstündə açmışdır.
Abbasın üzü Ayın nuruna bənzəyirdi. O, daxili və zahiri gözəlliyinə görə “Qəməri Bəni-Haşim” ləqəbini almışdı, yəni “Haşim qəbiləsinin Ayı”. Hər kəs onu bu ləqəbə layiq görürdü.
Beləliklə atası İmam Əli (ə) onun adını Abbas qoyur. Bu adın mənası - “Cəsur şir” deməkdir. Həmçinin o, öz müdrikliyi əsasında “Əbülfəzl” ləqəbini qazanmışdır, yəni “hikmət sahibi”. /iqna
