İmam Hüseynin (ə) mütəhhər hərəmi yuyuldu

Kərbəlada Aşura mərasimlərindən, Tuvəyric yürüşündən və Bəni Əsədin əzadar qadınlarının matəm məclisindən sonra, Həzrət İmam Hüseynin (ə) mütəhhər hərəminin yuyulması mərasimi keçirilib.

İQNA (Beynəlxalq Quran Xəbər Agentliyi) Deyerler.org-a istinadla xəbər verir ki, İmamali saytına istinadən xəbər verir ki, mütəhhər hərəmin xidmətçiləri xüsusi dualar oxumaqla başladıqları nurani mərasimi Seyyiduş-Şühədanın (ə) pak qəbrinin olduğu otaqdan başlayıblar və daha sonra hərəmdə geniş təmizlik işləri aparıblar.

Təmizlik işləri çərçivəsində Zərihi Şərifin olduğu otaq və dəhlizlər yuyulub və hərəmin daxili divarları, qapı və pəncərələrinin tozu alınıb.

Yuyulma işləri yekunlaşdıqdan sonra mütəhhər hərəmə yeni xalçalar sərilib.