"İQNA", "Əl-Ərəbiyyul-Cədid"-ə istinadən xəbər verir ki, müxtəlif ölkələrdən müxtəlif xəttatlıqlarla toplanmış İslamın ilk əsrlərinə aid Qurani-Kərimin nadir nüsxələrinin sərgisi ilk dəfə Kərbəla vilayətində keçirilib.
Bu sərgidə müxtəlif İslam ölkələrindən əldə edilmiş ən qədim nüsxələrlə yanaşı, hər hicri qəməri əsrindən 5 əlyazma nümayiş etdirilib.
Bu sərgidə müxtəlif əsrlərə aid Quran tabloları da nümayiş etdirilib. Müxtəlif İslam ölkələrindən olan xəttatlar və İslam tarixi üzrə ekspertlər də iştirak ediblər.
Bu sərginin müşahidəçisi Məhəmməd Əl-Mənsuri Quranın nadir nüsxələri haqqında deyib: "Bu sərgidə hicri 1-ci əsrdən 14-cü əsrə qədər yazılmış 63 rəsm əsəri, eləcə də dünyanın hər yerindən çap edilmiş 46 Qurani-Kərim nümayiş etdirilib.
Əl-Mənsuri deyib ki, sərgidə nümayiş etdirilən Quranlar Suriya, İran, Misir, İndoneziya, İordaniya, Bəhreyn, Türkiyə, Malayziya, Bruney, Liviya, Hindistan, Pakistan, Səudiyyə Ərəbistanı, Əlcəzair, Mərakeş, Almaniya, Fransa, Kazan və digər ölkələrdən gətirilib.