Lahorda Halal qida festivalı keçiriləcək
"İQNA", "Pakistan Observer"-ə istinadən xəbər verir ki, "Food Expo Plus 2023" adlanan bu sərginin məqsədi Pakistanın qida iqtisadiyyatında təhlükəsiz və sağlam qida mədəniyyətini təbliğ etməkdir.
Bu sərgi Pakistan Punjab Qida İdarəsi (PFA) ilə əməkdaşlıq çərçivəsində fevralın 10-dan 12-dək "Expo Center Lahore"də keçiriləcək.
Bu sərgidə dövlət rəsmiləri, Ticarət və Sənaye Palatasının nümayəndələri, yerli və beynəlxalq qida şirkətlərinin rəhbərləri, halal ət ixracatçıları, fermerlər, pərakəndə satışçılar, distribyutorlar, ixracatçılar və qida istehsalçıları iştirak edəcəklər.
PFA-nın baş direktoru Mudseer Malik bildirib ki, "Food Expo Plus 2023" Pakistanın və dünyanın qida sənayesini və iqtisadi mənzərəsini formalaşdıracaq biznes strategiyalarını müzakirə etmək üçün yerli qida biznesi oyunçularını və qida sənayesi liderlərini bir araya gətirməyə çalışır.
Malik həmçinin qeyd edib ki, bundan əlavə, "EXPO 2023" həm də Pakistan daxilində və xaricində qida istehsalçıları və alıcıları ilə qarşılıqlı əlaqə yaratmaq və beynəlxalq qida təhlükəsizliyi standartlarına uyğun olaraq fikir və düşüncələrini bölüşmək imkanı verəcək.
O, PFA-nın Pəncab hökumətinin Pəncabda qida təhlükəsizliyini, qida məhsullarının keyfiyyətini və standartlaşdırılmasını təmin etmək, həmçinin Pakistan üçün inteqrasiya olunmuş və effektiv tənzimləyici baza yaratmaq məqsədi daşıyan inzibati qolu olduğunu söylədi. Tənzimləyici fəaliyyətlə yanaşı, PFA davamlı olaraq qida sənayesini beynəlxalq qida standartlarını və ən yaxşı istehsal təcrübələrini qəbul etməyə təşviq edir.
4115478
