Albaniyada ən kiçik Quranın maraqlı tarixi
"İQNA", "Euronews"-a istinadən xəbər verir ki, Mario Perucci öpmək və oxumaq üçün çekmecedən poçt markası boyda çox kiçik Quranı çıxarmazdan əvvəl həmişə dəstəmaz alır, əllərini və üzünü diqqətlə yuyur.
Paruşinin ailəsi bir neçə nəsildir ki, ən fanatik rejimlərdən birinin qanlı müharibələrindən sağ çıxan bu Quranı qoruyub saxlayır.
Mütəxəssislərin fikrincə, bu Quran kiçik gümüş qutuda saxlanılan dünyada çap olunmuş ən kiçik Qurani-Kərimlərdən biridir. Baxmayaraq ki, bu qutu zaman keçdikcə paslanır.
Albaniyanın paytaxtı Tiranada yaşayan Mario Broşçi deyir: "Biz bu Quranı nəsildən-nəslə fədakarlıqla qoruyub saxlamışıq. Çap tarixi göstərilməyən Quranın surələri tam siyahısı ilə, nazik kağız, nömrələnmiş və bəzəkli səhifələri var. Ancaq qutusuna quraşdırılmış böyüdücü şüşədən başqa heç kim onu oxuya bilməz. Bu Quranın qutusunun eni cəmi iki santimetr və qalınlığı bir santimetrdir".
Tirandakı Bidar Universitetinin Quranşünaslıq üzrə tədqiqatçısı Elton Karaca görə, bu 900 səhifəlik Quran nüsxəsi ən azı 19-cu əsrdən bəri mövcuddur.
O deyir: "Bu, dünyanın ən kiçik Quranlarından biridir. Onun cap edilmə tarixi 19-cu əsrin sonlarına təsadüf edir. Bu, son dərəcə dəyərli bir əsərdir və xoşbəxtlikdən indi Albaniyadadır".
Kiçik ölçüsü bu Quranın yeganə müstəsna cəhəti deyil, çünki o, katolik Broşçi ailəsinin İslamı qəbul etməsinin əsl səbəbi idi. Mario deyir: "Mənim babam və nənəm Kosovonun Yakovitsa bölgəsində yeni ev tikmək üçün torpaq qazırdılar və orada dəfn edilmiş bir insanın cəsədini bu Quranın ürəyinin üstünə qoyub tapdılar".
Poruşilər ailəsi bunu ilahi əlamət hesab edərək İslamı qəbul etmişlər və ailənin babası ötən əsrin otuzuncu illərində Alban kralının ordusunda zabit olub və o, ərəb dilini mükəmməl bilirdi və dostlarını hər gecə evinə Quran oxumağa dəvət edirdi. O, İslama qəti şəkildə müxalif olan Ənvər Xocanın diktator və kommunist hakimiyyətinə baxmayaraq, 41 il ərzində bunu etdi.
Paruşi deyir: "Bir gün polisə xəbər verdilər ki, evdə Quran var, lakin onun kiçik ölçüsü atamın onu gizlətməsinə səbəb oldu və çox çalışdılar, ancaq tapa bilmədilər".
Bu hadisədən sonra Paruşinin atası İskəndər bu Quranı Kosovodakı dostlarından birinə vermək qərarına gəldi. O, kitabı qaçaq yolu ilə sərhəddən çıxarıb. 2012-ci ildə Puroşinin atasının ölümü ilə bu Quran ona miras qalmışdır.
O deyir ki, bu kiçik kitabda çoxlu hekayətlər, nemətlər və möcüzələr var. Həyat yoldaşı da eyni şeyi hiss edir və deyir: "Mən hər dəfə bu Qurana toxunanda heyran oluram və pis vəziyyətlərlə üzləşəndə, məsələn, qızımızın səhhətində problem olanda, bu, bizdə arxayınlıq yaradır, çünki biz bilirik ki, Quran bizimlədir və bizi qoruyacaq".
Paruşinin ailəsi bu Quranı satmaq üçün antikvar həvəskarlarından və hətta bəzi muzeylərdən çoxlu təkliflər alıb. Lakin Paruşi sevgisini, bağlılığını və bu nadir Quran nüsxəsini buraxmamaq arzusunu ifadə edərək dedi: "Mən onu satmağı heç vaxt düşünmürəm. Quran mənim ailəmə aiddir".
4136787
