Ölümün növləri
Ayələrdə və rəvayətlərdə ölümün dörd növü var ki, onların hər biri üçün incə bir ifadə var:
1_ Rahatlıqla ölən yaxşılar. Həzrət Əli (ə) buyurur: Yaxşılar vəfat etdikdə onlara müjdə verilir ki, gözləri nurlu olur, ölümə rəğbət göstərir və rahatlıqla ölürlər.
2_ Yaxşı insanlar ki, ağır can verirlər. Həzrət Peyğəmbər (s) buyurur: «الموتُ كفّارة لذُنوبِ المؤمنین» "Ölüm və onun sıxıntıları möminlərin az sayda günahlarının əvəzinin ödənilməsinə görədir ki, ölümdən sonra onlar üçün heç bir cəza yoxdur və onlar pak Allahın hüzuruna gedirlər".
3_ rahatlıqla ölən pislər. İmam Kazim (ə) buyurur:
«و تُصَفّى الكافرین من حسناتهم» "Kafirin asan ölümü Allahın onların yaxşı əməlləri ilə bağlı etdiyi hesaba görədir. Çünki bəzi kafirlərin dünya həyatında xeyirli işləri vardır ki, mükafatları rahat ölümdür.
4_ Çətinliklə can verən pislər. Bu, onlar üçün ilahi əzabın başlanğıcıdır.
- Möhsin Qəraəti tərəfindən yazılmış "İslamın əqidə prinsipləri (Məad)" kitabından götürülmüşdür.
