Vilayət imanın şərtlərindəndir
Əgər bütün ibadətlər yerinə yetirilsə, ilahi haqq və insanların haqqı ödənilsə, günahdan tövbə 100% ürəkdən peşman olmaqla yerinə yetirilərsə, lakin vilayət və imamlıq məsələsinə diqqətsizlik edilərsə, bütün işlər və islahlar və tövbə səmərəsizdir. Çünki Quran buyurur:
"Şübhəsiz ki, Mən həm də tövbə edib iman gətirəni yaxşı işlər görüb, sonra da doğru yolu tutanı çox bağışlayanam!” (Taha, 82).
Bu ayə ilə bağlı gələn hədislərdə oxuyuruq: "Ayənin sonundakı “ihtəda” kəlməsinin mənası budur ki, mömin bütün qeyd olunan işlərlə yanaşı, ilahi rəhbərliyə tabe olmalıdır. Peyğəmbər (s) və onun Əhli-beytinə (ə) doğru hidayət olmalı və Allah yolunda qərar tutmalıdır (Şübbər təfsiri).
Başqa bir ayədə Nuh peyğəmbərin (ə) insanlara belə dediyini oxuyuruq: أنِ اعبُدوا اللّه و اتّقوهُ و أطیعونِ یَغفِرْ لكم
"Allahın qulu olun, təqvalı olun və mənim rəhbərliyimə tabe olun ki, Allah da sizə rəhm etsin" (Nuh, 3-4).
Deməli, bütün saleh əməllərin əsas şərti vilayət və ilahi rəhbərə itaətdir.
Möhsin Qəraəti tərəfindən yazılmış "İslamın əqidə prinsipləri (Məad)" kitabından götürülmüşdür.
