Qəzzədə rabitə və internet yenidən kəsilib
QƏZZƏ (İQNA) - Fələstin Telekommunikasiya Şirkəti Paltel səhər saatlarında Qəzzə zolağında rabitə və internetin tamamilə kəsildiyini açıqlayıb.
“TRT Xəbər”in verdiyi məlumata görə, Fələstin Telekommunikasiya Şirkəti Paltel X platformasında açıqlama verib.
Daha əvvəl bağlanmış beynəlxalq şəbəkənin yenidən kəsildiyini bildirən şirkət deyib: "Qəzzə zolağında bütün rabitə və internet xidmətlərinin tamamilə kəsildiyini təəssüflə bildiririk".
Oktyabrın 27-də İsrail ordusu ən şiddətli hava hücumlarından birini həyata keçirib. Güclü bombardmanlar nəticəsində Qəzzəni dünyaya bağlayan bütün kanallar məhv edilib.
