“Əl-Cəzirə”nin müxbiri Şirin Əbu Aqilə haqqında kitab nəşr olunub
"İQNA", "Əl-Cəzirə" telekanalına istinadən xəbər verir ki, sözügedən kitab fələstinli tədqiqatçı və müxbir Mahmud Əl-Fətafeta tərəfindən yazılmış və “Sərhədsiz Tədqiqatçılar” dərnəyi tərəfindən 242 səhifədə və orta həcmdə nəşr edilmişdir.
Əl-Fətafeta yeni kitabında terror əməliyyatının təfərrüatlarına və sionist rejimin ziddiyyətli hərəkətərinə, həmçinin Əbu Aqilənin qətli zamanı İsrail mediasının münasibətinə yer verib. Daha sonra o, ərəb və beynəlxalq reaksiyaları və sui-qəsdin nəticələrini təhlil edib.
Müəllif kitabında Şirin Əbu Aqilənin qətlindən sonra həmkarlarının gözü ilə onu vəsf edən hekayələri, mərhum jurnalistin fotoşəkillərini də yerləşdirib.
Şirin Əbu Aqilə (3 aprel 1971 - 11 may 2022) Əl-Cəzirə xəbər agentliyinin ərəb kanalında 25 il çalışmış Fələstin əsilli amerikalı jurnalist idi. O, Yaxın Şərqdə Fələstinlə bağlı reportajlar aparan fəal jurnalistlərdən biri idi. 2022-ci il mayın 11-də İsrail ordusunun İordan çayının qərb sahilindəki Cənin şəhərinə hücumu xəbərini verərkən sionist qüvvələrin hədəfinə çevrilib və başından aldığı güllə yarasından dünyasını dəyişib.
4215299
